《政‧花生》CY高調狙擊梁繼昌傳引京關注 憂影響交接

特首梁振英連日高調批評會計界議員梁繼昌留在UGL調查委員會，政界有消息指，有京港中間人關注事件，擔心破壞「和風」，影響林鄭月娥開局不順。

外界原本預期，泛民迫退民建聯的周浩鼎，CY批評梁繼昌轉移視線兩句，「豬隊友」事件就會落幕。豈料CY對梁繼昌「咬住唔放」，令事件繼續發酵。

眾所周知，泛民提出對周浩鼎及梁振英的彈劾，都只是政治表態，在建制派佔多數的立法會，通過機會根本不大。有泛民成員對梁振英一直「追殺」梁繼昌都摸不著頭腦，「我哋都怕佢另有所圖，係咪同一地兩檢有關呢？」而最令人不放心的是，原本泛民是「獨腳戲」唱都未必唱得起，但現時「兩條鑰匙」就可以敲響「不必要的關注」。尤其是部分建制派「抽水」加入指罵梁振英，就令原本「大和解」之風，可能提早完結，影響到政府交接，希望大家都停一停，諗一諗。有奶粉都有微言「佢(林鄭)咁辛苦想拉去講教育呢啲民生嘢，而家就變返晒政治立場行先」，有泛民都指「林鄭現時係候任特首，可以唔表態，7.1上任就焗住，仲未計MPF對沖，一地兩檢呢啲地雷，要咁快開拖？」。

泛民主派「炮口」原本已經鋪路對準林鄭班子「無星味」，指她「CY2.0」再現，陳茂波、楊偉雄、劉江華等「梁粉」全部留任，外人就只有愛將羅致光。不過因為大環境「吹和風」，泛民都要客客氣氣，正擔心「要炒熱都炒唔起」，「你睇今年六四靜過鬼你就知啦！」現在周浩鼎及梁振英彷彿送上「大禮」，令原本不太關心政治的一班「中間偏藍」選民都留意起所謂「干政門」，他們可能得以「食住個勢」鬧到去七月一日。不過都有建制中人提醒，勿低估CY，他星期六上京，「到時可能又有新玩法，唔知邊個蝕底」。