銅鑼灣時代廣場繼續冇倒數　迎2018好去處逐個捉

尚餘2天不到便到除夕，倒數是不少人的除夕節目，不過早前銅鑼灣時代廣場宣布，繼續停辦經典倒數活動「蘋果倒數」，連續第4年消聲匿跡。時代廣場蘋果倒數是不少港人和遊客的回憶，自1993年起已經開辦，活動源自紐約時代廣場，每年吸引逾10萬人入場同歡。雖然時代廣場無得倒數，但香港仍有不少地方可以一大堆人過新年！

1)      2018年維港除夕煙花倒數

由香港旅遊發展局旅發局主辦、中國旅遊集團冠名贊助的「中國旅遊集團 2018 香港除夕倒數」跨年煙花音樂騷，除了有「幻彩詠香江」及「閃躍維港」的光影匯演外，同場更首度引入歐洲獲獎製造商的「魔法星塵」煙花，以仙子在維港夜空撒落閃爍的星塵為設計概念，寓意為香港送上新年的祝福。

-  許願流星：晚上11:00、11:15、11:30、11:45

-  煙火音樂匯演 ：凌晨12:00

延伸閱讀：2017除夕煙火匯演延伸至銅鑼灣海旁　早霸位有馬戲雜技解悶

2)      中環皇后像廣場

每年中環皇后像廣場都有巨型聖誕樹慶祝聖誕及元旦，今年高18公尺的聖誕樹自12月1日已經架起在廣場北端。特別日子除了有詩歌班表演，聖誕老人更會不時驚喜現身，把握機會跟他們在聖誕老人小屋拍照留念吧！

3)      銅鑼灣避風塘鳴炮儀式

銅鑼灣避風塘告士打道岸邊，傳統都會有「子夜禮炮」儀式以示送舊迎新，是香港人的集體回憶之一。大家只需沿世界貿易中心的人行地下道可達禮炮位置，不過要注意銅鑼灣避風塘對出的維園道停車灣將於除夕晚上 9 時封閉，直至道路重開。

4)      Running Man金鐘國再臨香港

韓星來港倒數已非第一年，今年好像稍為減少，最為港人熟悉的有《Running Man》的金鐘國到來將軍澳東港城迎新年，同場有吳若希、劉佩玥、羅孝勇、菊梓喬及翟威廉。想霸靚位即日起於東港城指定商舖以信用卡、EPS或八達通消費滿$800﹙最多累積2間不同商戶之即日機印發票，每張發票必須消費滿$100或以上﹚，即可換領VIP區入場券一張，限名額228個，換完即止。

時間：晚上10時半起

地址：將軍澳東港城一樓展覽場

5)      馬國明、黃心穎、李佳芯陪你倒數

馬鞍山新港城中心就請來多位無綫藝人助陣，包括馬國明、黃心穎、李佳芯、沈卓盈、陳自瑤等。若想霸靚位睇明星，以電子貨幣即日消費滿$2,500或以上，憑3張不同商戶之即日機印發票﹙每張發票必須消費滿$100或以上﹚，連同付款交易存根正本，即可換領入場証2張，限名額30個，換完即止。

時間︰晚上9時半起

地點︰馬鞍山新港城中心L2天幕廣場

6)      周柏豪、Shine、許廷鏗現身元朗

YOHO MALL今年於除夕夜請來周柏豪、Shine及許廷鏗到場倒數。而露天廣場內逾4,000呎的冰雪樂園亦會於除夕夜延長開放時間至凌晨 12 時，大家可於雪地上迎接2018。即日起於YOHO MALL商舖內以電子貨幣單一消費滿$100，即可換領冰雪世界入場券一張，每人每日最多可換4張，換完即止。

時間︰晚上10時半起

地點︰YOHO MALL I 主廣場

7)      JW、胡鴻鈞、Supper Moment沙田倒數

沙田新城市廣場請來JW、胡鴻鈞及Supper Moment到場倒數，同場更有國際知名技巧體操團體Space Elements首度來港演出，屆時將表演以人體搭建金字塔，在離地逾10呎半空180度迴轉盪鞦韆。

時間︰晚上10時45分起

地點︰新城市廣場一期一樓羅馬圓型獻技場

8)      陳柏宇陪你倒數

觀塘apm就請來剛在紅館舉行完演唱會的陳柏宇和大家倒數，早前演唱會買不到門票的朋友記得早點去霸個靚位！

時間︰晚上11時

地點︰觀塘apm