黎倩蕾:糯米糍十蚊一斤 食客開心 果農叫苦?

2018-06-27
黎倩蕾
80後平凡OL
 
AAA

CHEE1.jpg

六月,荔枝收成季節,今年各處荔枝都大豐收,無需北上荔枝園現摘,只要閒走油麻地果欄,散買糯米糍四十蚊三斤,甚至低至十蚊一斤有交易,平霸格局。有識途老馬就謂荔枝樹每每都是「隔年大豐收」,今年唔食,明年要捱貴荔枝,所以三把火都唔理,食咗先算咁話。

要看荔枝是否豐收,有説早於三月已可預知,如見枝頭開滿荔枝花,只要未來數月風調雨順,則上品荔枝收成可期。食客有平靚荔枝食當然開心,不過有果農就叫苦連天,說寧願「小年」好過豐收,農民一年辛勞,不是最期待豐收嗎?此話何解?

原來供應太多,荔枝在供求市場定律下大跌價,不再值錢,換言之,花農頂著大太陽收割做到氣咳,只能密賣當三番,但拉勻其實收入一樣,甚至更少,倒還不如物以罕為貴,小年少賣無需頂爛市,賺到個好價錢,至少不用疲於奔命適時採摘,流出半公升汗水咁辛苦。

作為食客,真的不說不知。不過做農夫就是艱辛,再努力也好,還得聽天由命,沒收成固然無收入,收成太多原來亦未必一定是好,早前看兩岸新聞,就有廣西果農賤賣荔枝都無人要,憤而踐爛洩憤。這種情緒,筆者不是農民,但也可以想像,只是供應太多沒人要,其實也可仿效外國果園,配製成果醬,分散投資開新路,也許未嘗不是出路。

 
文章只屬作者觀點,不代表本網立場。
 
延伸閱讀
  • 用荔枝為原材料的副產品多的是,除了荔枝醬,也可自家製荔枝酒,做法較浸梅酒更簡單,最快3個月有得飲,品酒之餘,仲可以食埋粒荔枝,非常划算。

    黎倩蕾  2018-07-06