迪士尼樂園　連「殯儀館」都做埋？

 

迪士尼樂園同當中一眾迪士尼人物絕對俘虜咗唔少大人同細路嘅心，總予人歡欣喜悅感覺，但網上有傳專門報道迪士尼消息嘅《華特叔叔內幕》（Uncle Walt's Insider）指出，預計美國佛羅里達州明年初將提供「神奇喪禮」（Magical Funeral）服務，會於迪士尼世界目前位於七海潟湖嘅「大佛羅里達人溫泉度假村」興建殯儀館，更有指，有關喪禮服務詳情，將於今年12月起，會於迪士尼網頁上刊出。

相關文章-
全港首個鮮花主題公園 預計2019年迪士尼開幕 

而事實上，早前亦曾有報道指唔少人會把親人骨灰撒於樂園內，至於傳出將興建首間迪士尼殯儀館嘅溫泉度假村位於七海湖（Seven Seas Lagoon）邊，以維多利亞式作主題，於1988年開業，酒店大堂旁邊設有列車，住客可直達「神奇王國」（Magic Kingdom）。

資料及圖片來源：unclewalts.com