港鐵三線跪低 唔少打工仔轉乘船過海 塞爆碼頭

荃灣線、觀塘線及港島線信號系統同時發生故障，令唔少趕返工打工仔也心急如焚，轉乘其他公共交通工具，其中唔少人更選擇到尖沙碼頭改乘船過海返工，受港鐵故障影響乘客炎生就表示比平日用多1小時返工，而對於港鐵經常性出現故障，他直言：「反應比較慢，雖然話搶修緊，但都搞咗好耐，令好多市民都返唔到工！」

 

相關文章-

受訪市民炎生
 

另一受港鐵故障影響市民就表示，「都唔係經常發生，之前嗰啲都係小事，今日大件事啲，但大件事又唔係好大件事啫！地鐵咁耐，又舊，故障都正常。」

尖沙嘴碼頭排滿過海返工市民。

而港鐵車務總監劉天成見記者時就指，對列車服務受阻深表歉意。三線同時故障屬第一次，港鐵工程團隊正努力搶修，會盡快復修系統。