十大聖誕商場打卡熱點 逐個捉

2018-12-19
 
AAA

仲有唔夠一個星期就到聖誕節啦!今年,唔少商場都以可愛卡通及動畫角色為主題,令你喺呢個普天同慶日子裏,可以盡情同朋友嚟到打卡。當中除咗多款人氣卡通例如Snoopy、Little Twin Stars、比卡超、多啦A夢、Tsum Tsum、My Melody和愛麗絲外,部分更設有繪本創作、藝術插畫及數碼元素融入商場佈置中,還有商場設計成遊樂場及創意市集。你都嚟體驗呢個多姿多彩嘅聖誕呀!同時記住Bookmark定以下商場同朋友一齊去打卡影靚相啦!

相關文章-
DIY聖誕裝飾無難度 環保心思多 錢都買不到 
打卡威威!迪士尼設18米高閃亮聖誕樹 仲有港人優惠 
德國聖誕特色美饌$1盡享 
史力加以KOUKOU造型登場 同你玩轉 「聖誕甜品夢工場」 

vvvds.PNG

【尖沙咀海港城 x Christmas Treasures】
海港城以「Christmas Treasures」 尋找聖誕瑰寶為主題,為大家準備了超過40米長嘅聖誕「愛心鎖橋」及60呎巨型戶外聖誕樹,愛心鎖橋和聖誕樹等更加用上20萬顆LED燈,及會不定時上演「聖誕音樂燈光匯演」。另外,仲有全球最大影像萬花筒,置身其內打卡影相,簡直靚爆燈呀!

bbb.PNG

海港城燈光匯演
日期:即日至2019年1月1日
時間:晚上六時至晚上十時(每逢正點、30分開始)
地址: 尖沙咀海港城海運大廈露天廣場 (近尖沙咀天星碼頭五支旗桿)

聖誕影象萬花筒
日期:即日至2019年1月1日
時間:中午12時至晚上九時
登記地點:海港城海運大廈3樓(近OT 313 Ralph Lauren)
每節時間:10分鐘

46866288_10156767771527629_2572141611609751552_n.jpg

【沙田新城市 x 愛麗絲夢遊仙境】
以《愛麗絲夢遊仙境》做主題,設數碼互動藝術裝置,30呎高聖誕樹兔子洞穴,發光蘑菇及玫瑰林燈海等多個光影打卡影相靚位,兼同場仲有韓國「Alice – Into the Rabbit Hole」裝置藝術展覽,作為愛麗絲迷又點可以錯過呢?

46703089_10156767771357629_276858904774705152_o.jpg

Alice’s Adventure @ Starlight Garden夢遊奇幻聖誕
日期: 即日至2019年1月13日
時間: 中午12時至晚上10時(14/12/18 – 1/1/19逢星期五、六、日及公眾假期延長至晚上11時)
地點: 沙田新城市廣場一期7樓星光花園

配上浪漫的飄雪效果,絕對是閨蜜及情侶打卡首選2.jpg

【德福廣場 x 泰迪熊市集】
德國百年泰迪熊品牌Steiff,將於德福廣場「泰迪熊聖誕市集」現身,當中除展出全球首次登場、4米高並以路德維希二世國王造型亮相嘅毛毛泰迪熊,以及以夢幻德國新天鵝堡為設計藍本嘅主題裝置,配上浪漫飄雪效果外,同場更設德國主題聖誕市集,售賣德國特色美食,如德國式肉丸配黑菌薯蓉、 及多款德國手工啤等!

商場更設Steiff期間限定店,一眾泰迪熊粉絲萬勿錯過.jpg

泰迪熊聖誕市集
日期:即日至2019年1月1日
時間:早上11時至晚上9時
地點:九龍灣德福廣場一期中央展場

Steiff泰迪熊展覽
時間:早上11時至晚上9時
地點:九龍灣德福廣場二期中庭

史力加、費安娜公主、貓劍俠、驢一友及薑餅人冬甩熱辣辣新鮮出爐。.jpg

【上水廣場 & 將軍澳PopWalk天晉匯 x DREAMWORKS電影角色】
環球影業旗下夢工場(DREAMWORKS)製作嘅一連串廣受歡迎動畫電影 《功夫熊貓》、《史力加》、《荒失失奇兵》、《馴龍記》及《魔髮精靈》等,當中多個深受大人及小朋友喜愛嘅主要角色,將全港首次以DREAMWORKS KOUKOU造型萌爆現身,最為矚目莫過於約7米高主題聖誕樹、巨型公仔夾夾機、萌爆甜點放題區、特大毛毛史力加及阿寶和期間限定精品,身為夢工場電影迷嘅你,唔好錯過啦!

1.5米高巨型毛毛版DREAMWORKS KOUKOU史力加及阿寶將全球首次登場。.jpg

上水廣場「聖誕甜品夢工場」
開放日期:即日至2018年12月28日

PopWalk 天晉匯「聖誕甜品夢工場」
開放日期:即日至2019年1月2日

181114_tsumtsum_4_600.jpg

【朗豪坊 x 迪士尼Tsum Tsum聖誕市集】
全港首個迪士尼TSUM TSUM 聖誕市集,中央有個由22個迪士尼角色砌成4.5米高 TSUM TSUM 聖誕樹,十分搶眼,加上TSUM TSUM 聖誕火車等打卡影相位,想必令唔少迪士尼TSUM TSUM迷也為之心癢癢。

vvv.PNG

迪士尼Tsum Tsum聖誕市集
日期:即日至2019年1月6日
地點:旺角亞皆老街8號朗豪坊商場

46453309_10156859250681779_1964994318703788032_o.jpg

【奧海城 x 多啦A夢秘密道具研究所】
人人期望可達到我的快樂比天高,今個聖誕,「多啦A夢秘密道具研究所」登陸奧海城啦!當中設多項秘密道具測試站,有隨意門、空氣炮、動畫噴霧器、時光機及隱形斗篷,另場內仲設20呎高巨型多啦A夢、記憶面包及多啦A夢角色等多個打卡影相位,仲等?

多啦A夢秘密道具研究所
日期:即日至2019年1月1日
時間: 中午12時至晚上九時
地點:奧海城2期地下主題中庭

48234109_2150988364952773_3842730166266626048_o.jpg

【黃埔天地 x Pokémon成員】
以7.5米高出場嘅巨型比卡超,將與Pokémon其他成員現身黃埔天地,商場中更有近百隻Pokémon組成嘅2米高聖誕樹,成為俾大家瘋狂打卡影靚相熱點,Pokémon迷點可以唔去打卡呢?

日期:即日至2019年1月1日
時間:早上十時至晚上十時
地點:九龍紅磡黃埔天地

Harbour North北角匯打造全港首個以園藝及燈籠為主題的漫畫角色聖誕裝置「Harbour North x Snoopy Christmas Garden」.jpg

【北角匯 x Snoopy聖誕節花園】
全港首個以園藝及燈籠為主題嘅漫畫角色聖誕裝置 「Harbour North x Snoopy Christmas Garden」,多個人氣角色如Snoopy、Charlie Brown、Lucy將以立體園藝造型登場,讓你過個充滿歐式花園氣息嘅浪漫聖誕。

全港首個《花生漫畫》園藝主題裝置,共設多個不同浪漫場景:你可於商場地下西翼,看到另一個花藝造型Snoopy則會與Woodstock坐上雪橇高速奔馳,趕於今年聖誕與大家見面!.jpg

日期:即日至2019年1月6日
時間:上午10時至晚上10時
地點:北角北角邨里1號 Harbour North北角匯地下及1樓

47111767_10161256677665442_9041133301720416256_n.jpg

【皇室堡 x My Melody 聖誕聲夢小鎮】
今年Sanrio派出My Melody同大家慶祝聖誕!可愛Melody一次過走遍皇室堡、東角LAFORET、銅鑼灣地帶、仲會帶埋好友們包括:綿羊仔Piano、老鼠 Flat、松鼠 Risu及熊熊 Kuma齊齊換上聖誕裝現身,仲唔快啲嚟打卡!

日期:即日至2019年1月1日
時間:早上十一時半至晚上九時半
地點︰銅鑼灣皇室堡、東角LAFORET、銅鑼灣地帶。

46456399_2504324086274406_3058503317366767616_o.jpg

【MegaBox x Little Twin Stars聖誕夢幻樂園】
全港首個Little Twin Stars聖誕夢幻樂園將於聖誕登陸九龍灣MegaBox,除有30呎高粉紫色夢幻聖誕樹,更有全港首創共2萬粒LED星光夢幻機動音樂Show及1000朵戶外LED玫瑰花海!啱晒鍾意浪漫嘅你啦!

日期:即日至2019年1月1日
地點:九龍灣Mega Box L5中庭/L5戶外平台

圖片來源:HarbourCity@fb、New Town Plaza 新城市廣場@fb、朗豪坊@fb、黃埔天地@fb、皇室堡@fb、MegaBox@fb

延伸閱讀
SQL Error: select * from ***_ecms_news where classid='3' and id<>'31803' and (keyboard like '%聖誕節%' or keyboard like '%商場%' or keyboard like '%打卡%' or keyboard like '%好去處%' or keyboard like '%X'MAS%' or keyboard like '%好玩好食%') order by newstime desc limit 1
SQL Error: select * from ***_ecms_news where classid='3' and id<>'31803' and (keyboard like '%聖誕節%' or keyboard like '%商場%' or keyboard like '%打卡%' or keyboard like '%好去處%' or keyboard like '%X'MAS%' or keyboard like '%好玩好食%') order by newstime desc limit 6