帶你鬧市發掘內蒙民族風 感受草原森林文化

內蒙古位處中國北部，對香港人來說或者比較遙遠陌生，除了講得出大草原、蒙古包、乳牛......你又知唔知，其實內蒙有「東林西礦、南農北牧」之稱，擁有得天獨厚的自然景觀，草原、森林和人均耕地面積都是全國之冠，稀土金屬儲量更是世界最多！

 

除了風光怡人，內蒙亦以各種羊毛羊絨製品、駝絨製品、蒙古袍、木化石、手工藝製品而聞名，無論是鍾情名貴珍品的父母輩，抑或熱愛民族風的（偽）文青，飛返轉內蒙，相信一定搵到驚喜！不過家陣唔使走咁遠了，事關最近裕華國貨將一系列內蒙特色搬到香港，大家不妨去返轉，睇吓有無心水！講多無謂，睇相！

 

所謂木化石，就是幾百萬年或更早以前的樹木被迅速埋葬地下後被地下水中的二氧化矽替換而成的樹木化石。如果屋企夠大，擺返個都好靚呀！

 

皮雕是內蒙傳統技藝，以牛皮雕琢而成的馬頭，係幾型！

 

想經濟實用些，學生哥可選擇皮製筆記本。

 

純牛糞製成「呼和阿日嘎拉香」。吓？牛糞真係香架咩？

 

蒙古服，一見到就諗起靖哥哥～

 

各款刺繡製品，女士最愛的民族風包包，背囊，仲有手機套添！

 

近排咁凍，買返條羊絨(cashmere)頸巾，warm哂！

 

呢啲娃娃服，除咗可以送俾囡囡幫Barbie換新衫，原來仲可以裝紅酒喎！

 

裕華國貨《草原·森林文化-內蒙古名優產品展》舉行開幕儀式，出席剪綵嘉賓包括全國政協副主席梁振英、政制及內地事務局長聶德權及裕華國貨董事長余國春等。

 

裕華國貨《草原·森林文化-內蒙古名優產品展》

地點：裕華國貨佐敦道總店五樓

日期和時間：2017年12月8日至2018年1月14日上午10時至夜晚10時