黎倩蕾:揾托兒揾疫苗揾節目

2018-02-15
黎倩蕾
80後平凡OL
 
AAA

sick1.jpg

狗年前大新聞多多,不過對於一眾師奶仔來說,最關心的新聞,莫過於流感肆虐,政府突然宣布小學及幼稚園停課,直至原定農曆新年假期結束為止,果真是殺了家長一個措手不及,令「三揾家長」疲於奔命。何謂三揾?顧名思義,當然是揾托兒揾疫苗揾節目,當然,三揾者未計揾錢育兒,今日香港,果真做人父母甚艱難。 

政府雖表示,學校需在非原定假期內保持校舍及宿舍開放,而社署亦會維持幼兒托管服務云云,但不少家長其實亦不想停課期間讓孩子繼續返學,好似我身邊的同事,就第一時間打奶奶主義,要求托兒陪玩陪住。過去兩星期,不用正式統計,有理由相信茶樓應該少了人飲早茶,皆因這批公公婆婆,應該都得趕回家湊孫,未必得閒大吃大喝! 

除了揾托兒,仲要幫手揾節目,撫慰少年男女的心。不要以為個個小朋友唔使返學都好開心,我姪女這隻小學雞,就因為停課嬲嬲豬,皆因農曆假前,學校原擬舉辦小型年宵市場,如今提早放假,活動即時腰斬,小學雞之前自製一批鎖匙扣手作,原擬學校「擺檔」顯示才華,即時無用武之地。不過退一步想,可以體驗天有不測風雲的人生第一課,雖然失望,卻很有意思呢。 

其實健康要緊,揾托兒搵節目都不夠揾疫苗慘情。疫苗短缺,一針難求,父母為子女健康「左撲右撲」,四周打聽哪間診所仍有疫苗提供,早前就有市民致電電台,投訴私家診所抬價,一支流感針竟索價千元!三揾家長無時停,但新特首林鄭月娥上場後,又真的不脫好打得本色,未計港府早前公布撥款5億元予醫管局,助紓緩公立醫院服務緊張情況,又叫停初二煙花。雖然結果是有彈有讚,但果斷敢為,對比近年香港停滯不前的社會氣氛,確是耳目一新,期望狗年會更好。

 

文章只屬作者觀點,不代表本網立場。

延伸閱讀