影貼紙相年代終結 「青春無限」旺角貼紙相店 月底結業 網民嘆：「唔捨得！」

回想中學年代，影貼紙相一定係放學後「指定動作」之一！但隨着智能手機影相功能普及化，依家啲人鍾意Sefile多過影貼紙相，加上有好多Apps方便美圖，想點整都得，影貼紙相更加成為了八九十後嘅集體回憶，連專門影貼紙相店「青春無限」也於日前喺facebook專頁發帖宣布，旺角分店將於本月28日正式結業，僅餘荃灣分店，網民得悉後也不禁大嘆：「唔捨得！」部分更加紛紛留言，Tag身邊朋友，想趕緊喺貼紙相店結業前，能夠再去影過緬懷一吓昔日開心時光。

相關文章-
日本貼紙相機製作公司Make Software宣布破產 網民：「一個時代終結！」 

因租約期滿，「青春無限貼紙相城」日前在Facebook專頁發帖宣布：「青春無限貼紙相旺角店本月27日最後一天營業！！！本月28日正式結業！地址：旺角山東街瓊華中心地庫。貼紙相紙量有限，售完即止！」有網民就留言：「 要去影就快啦，2月27號最後一天開啦，好唔捨得啊😭😭😭😭😭😭」、「青春的回憶啊！！！好吾捨得……😭😭😭」

其實，去年專門製造貼紙相機嘅Make Software也於10月24日宣佈破產。自1997年開始研發貼紙相機起，品牌始為人熟悉，但隨着較多人用智能手機Sefile，及Download手機內Apps嘅瘦面美圖功能，Make Software營業額由原來高達1千億円（相對於7億港元），到4年前營業額已下降至67億円，去年更錄得跌到22億円，令公司變得負債纍纍。

科技發達固然係好，但隨之而來嘅係，一啲趕不上嘅行業，便會慢慢被受淘汰及取替！