夏日熱辣辣又想帶飯？睇下有咩涼浸浸選擇啦！

香港打工仔很多都會選擇帶飯，但夏天不是人人都想「叮」熱飯盒食，有時候都想食一些冰涼的食物，但又唔想落街買，今日就教你自制幾個好睇又好食的「涼浸浸」午餐啦！

1.清新雞卷

 

材料：

4塊卷餅

1個生菜

一盒雞肉

1隻蕃茄

1個牛油果

沙律醬或自己喜歡的醬料

芝士碎

步驟：

先將雞肉略醃，然後煎熟再切片。

將生菜切絲，蕃茄切粒，牛油果切片。

最後將所有材料鋪在卷餅上，卷起就可以放入飯盒喇！

小tips：如果怕生菜和蕃茄會出水弄濕卷餅，可以先塗一層薄牛油，就可以避免濕了而影響口感。

 

2.吞拿魚沙律

材料：

1根青瓜

適量車厘茄

1隻紅洋蔥

芝士碎

1罐吞拿魚

意式黑醋或自己喜歡的醬料

意粉：建議用螺絲粉、貝殼粉或蝴蝶粉

步驟：

滾水下意粉大火煮3分鐘，轉細火煮10分鐘，熄火蓋上焗5分鐘，隔水備用。

紅洋蔥和青瓜切粒，車厘茄切一半，備用。

吞拿魚隔水備用。

最後將紅洋蔥粒、青瓜粒、車厘茄和意粉入醬料拌好，最後放上芝士碎，完成喇！

 

3.豆腐冷蕎麥麵

 

材料：

半盒豆腐

1束蕎麥麵

1根青瓜

1條甘荀

半罐粟米粒

適量車厘茄

日式芝麻醬

步驟：

煲滾水下蕎麥麵，煮約7分鐘，過冷河，備用

甘荀和青瓜切絲，豆腐切粒。

將蕎麥麵放入飯盒底，其餘材料鋪上面，最後放上芝麻醬。