豬年創意年糕逐底Look

2019-01-28
 
AAA

豬年進入倒數階段,仲有十多日就踏入豬年啦!喺度預先祝大家豬年,豬籠入水、肚滿腸肥。

每逢農曆新年,少不了要有應節嘅賀年糕點,傳統年糕、蘿蔔糕、芋頭糕,相信大家食多,不如一齊嚟睇吓各大廚為大家絞盡腦汁,喺豬年推出既新穎具創意嘅年糕啦!實行轉換一吓口味,迎接豬年來臨!

相關文章-
【大灣區樂悠遊】一次買到盡 廣州年貨熱門聚集區大搜羅
煙花爆竹賀新歲 燃放禁令知多少

1.PNG

.想不到沙葛 可以做年糕

由Dolce Dolce Kitchen & Gourme推出嘅富貴銀魚沙葛糕,全部以ph9.5還原水製作外,年糕一底有足6成沙葛絲,當中海味有富貴銀魚仔及蝦米,還有瑤柱絲,入口有如吃雪梨爽脆清甜,味道更不遜於一般蘿蔔糕,加上沙葛高纖,零脂肪,高鐵質,可降膽固醇,絕對適合一家大小食用。

3.jpg

.珍珠控 必食之選

海景嘉福酒店推出嘅「奶皇珍珠年糕」,絕對是珍珠控必選年糕之一,當中採用優質鹹蛋黃及幼滑奶品調製成香甜濃郁奶皇,拌入以木薯粉製成嘅黑色珍珠,形成玩味十足有趣斑點。年糕味道甜而不膩外,口感更煙韌帶嚼勁,絕對係非一般嘅年糕。

HKG_2135_aspect16x9.jpg

.果茶年糕 夠FRESH

米芝蓮三星龍景軒廚師手工製作嘅草莓果茶馬蹄糕,加入果香樸鼻嘅水果綠茶,令味道來得更清香甜美,且甜而不膩,就算多食都唔怕,最啱愛好飲果茶,又唔想食得太肥膩嘅朋友。

黑糖遠年普洱年糕.jpg

.遠年普洱茶造糕 陳香馥郁醇厚 

由香港康得思酒店明閣推出的黑糖遠年普洱年糕,看似一般年糕一樣,但其內涵十足,採用優質健康黑糖取替蔗糖,再加入矜貴雲南遠年普洱茶,陳香馥郁醇厚,入口回甘而不過膩,嗜茶朋友一定要試。
 

190103_2019_CNY_Cake_social_med_ia_posts_1200x1200px__1.png

.新豬肉蘿白糕 食得夠營

強調健康嘅本港知名素食專門店Green Common,今年推出「新豬肉 XO醬紅藜麥蘿蔔」,以Omnipork新豬肉來代替傳統臘肉炮製成蘿蔔糕,再加入爽脆紅藜麥,及濃郁惹味自家調製,由香菇、金針菇、辣椒和天然香料秘製成嘅純素XO醬,令味道更加充滿層次,另新豬肉比普通豬肉碎,以4.9g飽和脂肪來計,新豬肉會較低70%,飽和脂肪只得1.5g,而豬肉碎如膽固醇68mg,新豬肉膽固醇更加係零,絕對食得健康又有營。

蘿蔔糕_0535.jpg

.隱世小店 手作驚喜羊肚耳糕

大牌子、大酒店以外,小店往往係平價之選,部分更帶俾大家別的驚喜。隱於商廈嘅嚐聚素食,今年推出「紅藜麥羊肚耳蘿蔔糕」,主打無味精、無添加劑、無素肉製成品,及採用紅藜麥嘅香脆,襯托白蘿蔔嘅爽甜;再加入營養豐富嘅冬菇、香菇、羊肚耳。羊肚耳含粗蛋白20%, 粗脂肪26%,碳水化合物38.1%,還含有多種氨基酸,質感比一般菇菌厚,氣味清香,有素中之葷美稱,令人食後健康,且口感和味道層次更不遜於一般蘿蔔糕。

延伸閱讀
  • 彰化最著名莫過於肉圓,香港朋友可能比較陌生,大隻人妻會形容為一個類似粉果的外皮,裡面包裹豬肉和筍子的小吃

    盧珮珊  2019-06-11