譚仔三哥　出十小辣V臉面膜 三哥姐姐親試：KAI舗前敷返爭最斯服！

今時今日去譚仔三哥唔淨止食十小辣米線咁簡單，事關辣椒除咗刺激味蕾，喺護膚方面其實都有神奇功效！經過多年秘密研發，三哥終於決定進軍美容界，推出全球首款「十小辣V臉面膜」，當中嘅麻辣十小精華成份，唔止有效美白、保濕，更有助減淡細紋同色斑！同時食埋十小辣米線，外敷內服，功效更顯著！呢款革命性面膜將於譚仔三哥IG Shop率先發售，有興趣感受肌膚猶如火鳳凰重生嘅巴打絲打，記住千祈咪錯過！

其他文章-
奴才們注意! 戶外寵物節 領養+市集 齊集在西九　
Sanrio人氣角色現身領展7大鮮活街市　 與你同『萌』
「Work. Live. Play」 智慧生活盡在科學園

「十小辣V臉面膜」以譚仔三哥招牌LOGO作包裝，更有使用前和使用後對照，敷完後三哥塊臉即時V晒，此外，Admin更搵埋「三哥姐姐」親身示範敷mask，而且仲話日後會推出其他辣度的面膜。分店姐姐仲親評：「KAI舖前敷返爭最斯服！」（開舖前敷返張最舒服）

雖然，明知係愚人節同大家開玩笑，不過仍有唔少網民同粉絲留言：「麻煩ig link 我覺得商機無限 想傾個非洲代理權」、「一定好瘦面！！！團購團購！！」「會唔會推出糊辣面膜呀?? 」同「一定要買啦！」更有唔少網民提議買嚟做手信。

都係個句啦！認真便輸了，唔好忘記今日係4月1日愚人節呀！